منة فضالي تفتح قلبها: تعاوني الأول مع كريم فهمي ورسالة صريحة لياسمين عبدالعزيز

وكتبت منة معلقةً على الصورة: "مبروك جليلة رسلان كان نفسي يبقى ليا شغل معاكي كتير، مبروك النجاح وننسى اللي كان النجمة ياسمين عبدالعزيز أحلى ياسو".

كما نشرت منة مجموعة صور ظهرت فيها مع الفنان كريم فهمي، من كواليس مسلسل "وننسى اللي كان"، كشفت من خلالها عن تعاونهما الأول معبّرةً عن سعادتها بالعمل معه، مؤكدةً أن التجربة كانت مريحة وممتعة منذ البداية.

وعلّقت منة على الصور بالقول: "هطوّل في البوست ده شوية معلش... كريم فهمى أول مرة أشتغل معاه لكن الحقيقه إني محستش إني أول مرة الشغل معاه مريح جداً وممتع بيحب يساعد كل زمايله بيفهم اللي قدّامه وبيسمع لكل الناس وبيقدّر كل اللي حواليه من صغير لكبير حقيقي، اكتسبت صديق وصاحب بجد".

منة فضالي توجه رسالة لكريم فهمي

وأضافت منة فضالي: "كريم فهمي نجم والنجومية مش في الشغل وبس لا هو نجم فعلاً في كل حاجة بأخلاقه واحترامه وأمانته وحبه لعمله ولزملائه، شكراً على كل حاجة كنت بتعملها وشكراً على مجهودك وتعبك اللي أنا شاهدة عليهم شكراً على دعمك ليا وحقيقي أنا كنت مبسوطة وإحنا بنشتغل سوا وأنت مكسب لأي حد".

وتابعت: "مبروك مليون مبروك بدر السباعى مبروك وننسى اللي كان، أحلى كيكو مبروك يا صاحبي".

مسلسل "وننسى اللي كان" يشارك في بطولته الفنانون: ياسمين عبد العزيز، كريم فهمي، شيرين رضا، إنجي كيوان، منة فضالي، خالد سرحان، محمد لطفي...، وهو من تأليف عمرو محمود ياسين وإخراج محمد الخبيرى.