حلَّ الفنان محمود حجازي، ضيفاً على برنامج "كلام الناس" الذي تقدمه الإعلامية ياسمين عز على قناة mbc مصر، حيث تحدث عن مشكلته مع طليقته رنا طارق، موضحًا أن المشكلة بدأت بسبب تركها نجلهما رفقة والدتها في الولايات المتحدة الأمريكية، ورفضها إحضاره ليعيش في مصر برفقته.
https://www.facebook.com/share/v/1E2V14L8CX/
وقال حجازي: "أنا من ساعة ما اتجوزت في أمريكا والجواز لحد دلوقتي متوثقش في مصر ولا في أمريكا، جواز إسلامي على يد شيخ في أمريكا، وأهلها مكانوش موافقين إننا نوثق الجواز ومكنتش فاهم ليه، ورجعت مصر لأني كنت متعاقد على مسلسلات، وقعدت معايا في مصر شهرين وعرفنا إنها حامل وكان نفسي أكوّن أسرة، وكنت حابب أريحها ولكن في الآخر إحنا بنعمل الصح وسمحت لها تسافر لأنها كانت عايزة تبقى مع أهلها، ورحت قعدت 5 شهور ونص في أمريكا وكنت برفض الشغل وحسبتها إن مش كل يوم هيجيلي ابن ولكن ممكن يجيلي مسلسل، وحضرت ولادة ابني وقعدت وعملت له شهادة ميلاد وباسبور".
https://www.facebook.com/share/v/17Uomi1RgN/
وتابع حجازي: "حماتي شخصيتها صعبة أوي ومتحكمة وبنتها مش عارفة تختار حياتها، وحماتي هتطلع على المعاش ومعندهاش حاجة بتعملها في حياتها غير أنها بتأذيني دلوقتي، اعترضت وقلت أنا ليا كيان وهعمل إيه في أمريكا؟ ومحبتش الحياة هناك، ونزلت مصر لاقيتها سايبة ابني اللي عنده 4 شهور وجاية تحضر معايا الريد كاربت، وسايباه لوالدتها وهنا حصلي صدمة وبدأت الخلافات".
https://www.facebook.com/share/v/1Fi5h3VsxD/
وأضاف: "مهنتي التمثيل وطبيعي بتعامل مع ولاد وبنات وهي بتحبني حب مرضي وبتحاول تدمر كل علاقاتي لغاية دلوقتي، هي عايزة تدمر علاقتي بأي حد، هي بتحبني حب تملك خطير وطول الوقت عايزة تكلمني فيديو وتشوف أصحابي، وحصل تهديدات كتير من وقتها إنها هتاخد اللي ورايا واللي قدامي، وقالت علشان تأمن مستقبلنا كتبت لها نص البيت، ورفضت تيجي مصر وقالت عايزة النص التاني للبيت، وعرفت إني بتعامل مع ناس مش سهلة".
https://www.facebook.com/share/v/1E79qoMv1D/
محمود حجازي: هددوني بعدم رؤية ابني
وقال محمود حجازي: "جابوا ابني وقالوا مش هتشوفه غير لما تعمل جواز جديد هنا، وأنا هنا قلت مش عايز أكمل ونخرج بالمعروف طالما حصل تعدي وتعدي لفظي، في بداية العلاقة أنا شفت منها كل خير معرفش اتحولت كده ليه، التحول اللي حصل ده بسبب خطة من عند والدتها لأنها ست متحكمة، أنا عملت محاضر بالتهديدات وكلمت كل الناس قطعت علاقتي بيهم وسوأت سمعتي بحاجات محصلتش، وكل الحاجات اللي حصلت كيدية علشان أشيل منع السفر أو تلوي دراعي".
https://www.facebook.com/share/v/1H1d6uAYxF/
وعن كواليس اتهامه بالتحرش الجنسي من قبل فتاة أجنبية، رد حجازي على سؤال ياسمين عز: "خدتك وطلعتوا على أوضتها عملتوا ايه؟"، قائلًا: "معملتش أي حاجة أنا كنت قاعد في البلكونة أصلًا على التليفون وعملت لي كوباية شاي، وأنا كنت مشغول أصلا في التليفون، وفضلنا نتكلم شوية وقالت لي مصر وحشاني، وفضلنا قاعدين أنا وهي ساعة وتلت، ولقيت الموضوع مش لذيذ وعاوزة توديني في حته مش لذيذة، أخدت بعضي ومشيت".
https://www.facebook.com/share/v/18iu6is9YA/
وقال محمود حجازى: "تربيت على الأصول المصرية، وبعض الشائعات التي صدرت ضدي من طليقتي لم أستطع الرد عليها، وبراعي ربنا فيها وأرفض تمامًا فكرة أن تنفق عليَّ 7.5 مليون جنيه مثلما قالت، وتجاهلت ادعاءاتها، ومازلت أحترمها لأن فى النهاية بيننا ابن".
وتابع: "جاءتنى فكرة أن أكتب فيلمًا وأقدم بطولته ويكون تجربة شبابية، وقررت أن يتناول الفيلم حياة الـ"لايف ستريمنج"، وكان يجب على أن أنخرط داخل هذا العالم لاكتشاف تفاصيله".
https://www.facebook.com/share/v/1JaKuq9sGg/
وأضاف: "بعدها انضممت الى عدد من البثوث المباشرة، ومن خلالها كنت أتلقى تهديدات من حسابات مزيفة مصدرها طليقتي، وكونت فريقًا من متابعيَّ، ودورهم هو أحذ أو الرد على التعليقات السلبية، وقررت التعرف على هذا الفريق شخصيًا، ومن بينهم الفتاة الأجنبية التى حررت محضرًا ضدي".
وتابع: "وتقابلنا سويًا بعد طلب منها، وجلست فى غرفتها في الفندق لمدة أكثر ساعة، ولم نتفق في الحديث وقررت أن أغادر بعدها، ومن بعدها تفاجأت بتحريرها محضرًا ضدي بالباطل.