آخر تحديث :الجمعة-08 مايو 2026-05:35م

الشأن العربي

ساخرون: مع السيسي مصر أقوى.. من أي اتجاه؟"

الثلاثاء - 16 يناير 2018 - 07:17 م بتوقيت عدن

- ((المرصد )) متابعات:

أطلقت لجان الرئيس المصري عبد الفتاح السيسي وسم "مع_السيسي_مصر_أقوى "، وشاركت فيه بعض أذرعه الإعلامية، استباقاً للسباق الرئاسي ورغبةً في عرض ما يرونه من إنجازات. إلا أن معارضيه ورواد مواقع التواصل قاموا بإضافة لمستهم الخاصة، والتذكير بمساوئ الفترة التي قضاها.

وكتبت رانيا منصور: "مع_السيسي_مصر_أقوى من أي اتجاه؟ اقتصاد منهار حتى التفريعة طلعت لرفع روحنا المعنوية، مفيش دولار عشان مفيش سياحة عشان، مش عارف ينتصر في حرب الإرهاب اللي ورّطنا فيها عايشين على الشحاتة من هنا وهناك، وآخر المتمّة باع جزيرتين وبنتعاير من طوب الأرض ومن اللي يسوى وما يسواش إننا شحاتين".

وأضاف الإعلامي أسامة جاويش: "مع_السيسي_مصر_أقوى من ناحية نهر النيل اللي راح، ولا من ناحية تيران وصنافير اللي فرّطت فيهم، ولا من ناحية حقول الغاز اللي باعها اختشوا شوية".

وعدّدت سما آدم مجموعة أخرى من الإنجازات: "40 مليارا ضايعة من الميزانية، 81 مليار دولار ديونا، مفيش مصانع، أقل شقة فالإسكان بقت بنص مليون، مفيش فرص عمل، السياحة واقفة والاقتصاد منهار والصحة مفيش.. حتى زراعة القصب والقمح والأرز اتوقفنا عنها وهنضطر نستوردها بالمليارات ويبجي كائن هلامي يقول مع_السيسي_مصر_أقوى اديني عقلك".

وقالت أخرى: "مصر قوية بالصرف الصحي اللي مغرق الشوارع والزبالة اللي تحت الكباري، والحرامية اللي واكلين خيرها، والحقوق المسلوبة والشباب اللي ماليين السجون، ولقمة العيش اللي بقى صعب الوصول ليها والأخلاق اللي مش بقت موجودة والدين اللي اتنسى والكرامة اللي اتداست.. مصر تنهار".