آخر تحديث :الخميس-04 ديسمبر 2025-03:44م

الفن والأدب

مصطفى كامل يكسر الصمت ويكشف تفاصيل اتهامات حلمي عبد الباقي

مصطفى كامل

الثلاثاء - 02 ديسمبر 2025 - 12:24 ص بتوقيت عدن

- المرصد خاص

خرج الفنان مصطفى كامل، نقيب المهن الموسيقية، عن صمته للمرة الأولى ليدافع عن نفسه، منذ اندلاع أزمته مع الفنان حلمي عبد الباقي، وكيل أول النقابة، وذلك بعد أزمة التسريب الصوتي للنقيب، الذي ظهر خلاله وهو يسبّ عبد الباقي.

وأوضح نقيب الموسيقيين أن هذا التسجيل ليس حقيقياً، مؤكداً أنه موجود مع حلمي عبد الباقي منذ شهر آب (أغسطس) الماضي.

وقال مصطفى كامل في مؤتمر صحافي عقده في النقابة: "إن الله يدافع عن الذين آمنوا، وأنا في قعدتي كان كتاب الله مفتوح وأنا بتناقش مع رؤساء النقابات، الأزمة مبنية على مؤامرة رخيصة، كنت أظن أنها من الناس اللي برا اللي أساءت لموسيقيي مصر كلهم ولكني فوجئت بصفحات من 3 شهور بتنال مني ومن زملائي العاملين بجد، واللي شغّالين بجد وناجحين ومابيناموش، في الوقت اللي فيه المقصّر وسيئ النية لا يُسبّ ولا ينظر، وده كان شيء غريب بالنسبة لينا".

وأضاف: "وأنا سمَّعت السادة إساءة على موبايلي بنفس صوت اللي يزعم أني بسبّه، السبّّ اللي موجود عندي أفظع وأبشع، وبقالي 3 شهور بقول لده اللي كان زميل، واللي كان صديق، إيه هدفك من اللي أنت بتعمله؟ عايز إيه وبتحلم بإيه؟".

مصطفى كامل: "لو كانت الحجّة الشتايم فكلنا اتشتمنا"
وتابع مصطفى كامل: "قبل ما آجي النقابة سبق لهذا الزميل عمل فيديو وحلف على كتاب الله أنه لم يعلم بأشياء، وأقسم بحق كتاب الله أن جالي حد من أعز أصدقائه دلوقتي، وقالي أنه كان عارف بوقائع ساعتها، والزملاء اللي كانوا في المجلس السابق قبل ما آجي عارفين إن الواقعة اللي حصلت وحلف عليها الزميل، مكنتش صح واللي قاله مكنش صح، حاول البعض منهم نقيب طنطا وكفر الشيخ يعملوا جلسة بيني وبين اللي كان زميل، وقعدت معاه وسألته أمام كل الدنيا أنت بتعمل كده علشان عايز كرسي النقيب؟، تعالى بس من غير ما تدمّر الكيان، الحجة الشتايم؟، كلنا اتشتمنا".

واختتم حديثه بالقول: "قاللي على التسريب ده من شهر 8 والموضوع اتقفل، وفجأة وإحنا بنحقق اكتشفت إن فيه ناس مش عايزة تحقق العدالة، أنت بتحقق مع حد في مخالفة، هي شلل ولا بتحلفوا متسيبوش بعض ولا هي هدم للنقابة ولا هدم لمين؟، ومن هنا جاء إحساسي الصادق إن القعدة اللي قعدناها سابقاً كانت من أجل الغش، ومن هنا قلت للدكتور علاء سلامة إني برفض صداقتي للشخص ده، وقلت على نفسي حسبي الله ونِعم الوكيل في كل ما قدمت له من خير".