عرض الفنان تامر حسني عبر حسابه الخاص في "إنستغرام" منشوراً وجّه من خلاله رسالة قوية لجمهوره، عن قيمة الوقت والعمر، مؤكداً أن حياة الإنسان ما هي إلا عدد محدود من دقّات القلب يجب الحفاظ عليها وعدم إهدارها في الزعل أو المشكلات غير المفيدة.
وقال تامر في منشوره: " صباح الورد حبايبي، سمعت تحليل عظيم أحبّ أنقلهلكم جايز يفيدكم بس ركّزوا فيه جداااااااااااااااااً".
وأضاف: "ربنا سبحانه وتعالى بيخلقك ويدّيك هدية، هي 5 مليار دقة قلب مثلاً لو هتعيش 75 سنة أو 80، شوف بقى، تقريباً إنت ضيّعت منهم 2 مليار ونص خلاص، فتيجي بعد شوية تقول لنفسك: إيه ده؟ هل المواقف اللي عشتها دي كانت مستاهلة أضيّع عليها من عمري كل الدقات دي؟".
وتابع: فإنتَ أو إنتِ من دلوقتي قول لنفسك هل القصة دي، أو الزعل ده، أو المشكلة دي، هتاخد من حياتي مثلاً 20 ألف دقة قلب؟ هل تستاهل؟... المقصود إنك ما تضيّعش عمرك ودقّات قلبك على حاجات ما تستاهلش، لأن الدقات اللي بتروح ما بترجعش تاني".
https://www.instagram.com/p/DS4BN-mjASA/?igsh=MWs0MGowaDhkaTFubA==
تامر حسني: "في حاجات حلوة مستنّيانا ومحدّش يبصّ للماضي"
واختتم تامر حسني منشوره بالقول: "دايماً بقول إن اللي صاحي دلوقتي والكلام وصلّه، أو وصلّه بعدين، يبقى فعلًا هو محتاج يسمع الكلام ده عشان يتقدّم ويغيّر في نفسه، لأن في حاجات حلوة مستنّياه، وما يبصّش للماضي، عشان محدّش هيعرف يمشي لقدّام وهو باصص لورا، أكيد هيقع أو هيمشي غلط، بصّ قدّامك، ركّز في ورقتك، وحالك مش حال الناس، مستنّيك نجاح كبير، روح له، ومتضيّعش وقتك ودقّات قلبك في حاجات متستاهلش".