مشادة حادة بين بسمة وهبة ومايا دياب تشعل مواقع التواصل (فيديو)

دفاع مايا دياب عن دينا الشربيني

وكانت دياب أطلت متحدثة في فيديو دفاعاً عن الشربيني قائلةً: "موضوع حساس وموضوع مؤذي على السوشيال ميديا وهو موضوع دينا الشربيني وموضوع استباحة كرامة الناس وأخلاق الناس بهذ الطريقة مش بس من الذباب الإلكتروني المريض".

وتابعت: "لأن فيه أكونتات رخيصة بتتكلم بالطريقة دي عن دينا الشربيني، لأن احنا في زمن الرخص على السوشيال ميديا، أما عن الناس اللي عارفة القصة من ناحية واحدة، انتوا متعرفوش الحقيقة، والموضوع يخصني لأني اول حاجة انسانة عربية وفنانة وأخت لدينا الشربيني واللي مزعلني أكتر إن الإعلاميين بيتوجهوا لدينا بأسوأ الطرق، وفي مواقع بتنقل الخبر من غير ما تتأكد من صحته، وانتوا ما بتنقلوش بس أخبار لكن بتنقلوا بشاعة الأمور واكتر من اللازم، ولو كل واحد خد الموضوع على اخته او بنته مش هيقبل بيه، بس استباحة الناس لانهم مشهورين وترتكبوا في حقهم كل الغلط ده، دينا بنت ما في منها".

طلاق كريم محمود عبد العزيز وآن الرفاعي... ودينا الشربيني

وتجدر الإشارة إلى تقارير إعلامية كثيرة ربطت بين علاقة عاطفية جمعت دينا الشربيني وكريم محمود عبد العزيز، أدّت إلى إعلانه أخيراً طلاقه من آن الرفاعي التي أكّدت أنها علمت بالأمر من خلال "إنستغرام"، حيث قال: "الطلاق شرع ربنا.. أكن لأم بناتي كل الاحترام والتقدير، مهما حصل هتفضل أم بناتي وأنا أبوهم، حاولنا سنين كتير إن الحياة تستمر وفشلنا، وده مش معناه أبدًا إن فيه حد فينا يعيبه شيء، لكن فيه علاقات كتير بتنتهي لأن ربنا كاتبلها كده، وبتنتهي بكل ود وحب واحترام متبادل بين الطرفين".

وتابع: "أكيد ماكنتش أحب أوصل للحل ده لكن دي إرادة ربنا، ومفيش أي شخص جات سيرته مؤخرًا كان له دخل بالمشاكل دي تمامًا لا من قريب ولا من بعيد، البيوت أسرار، وماكنتش أفضل تمامًا أتكلم عن حياتي الشخصية احتراما لكل الأطراف لكن تقديرًا للجمهور اللي يهمه أمري وجب التوضيح".

وحرّرت دينا الشربيني من جهتها محضراً ضد الإعلامية مروة صبري وعدد من صفحات منصات التواصل الاجتماعي، اتّهمتهم فيها بالتشهير والسبّ والقذف، بعد الزجّ باسمها في أزمة طلاق كريم محمود عبد العزيز.