في تعليقها الأول على أخبار تدخّلها في كل صغيرة وكبيرة في مسلسلها "وننسى اللي كان"، سواء في عمل المؤلف أو المخرج، نشرت الفنانة ياسمين عبد العزيز، عبر حسابها الخاص في "فيسبوك" صورة للفنان عادل إمام، وعلّقت عليها بطريقة ساخرة، لتدحض كل ما تردد حول هذا الأمر.
وكتبت ياسمين على صورة "الزعيم" قائلةً: "أنا عملت كل ده؟"، في إشارة ساخرة الى ما تم تداوله عن تعاملها بديكتاتورية مع أفراد فريق مسلسلها.
https://www.facebook.com/photo.php?fbid=1464012541753469&set=a.275505363937532&type=3&mibextid=rS40aB7S9Ucbxw6v
عمرو محمود ياسين يردّ على اتهام ياسمين عبد العزيز بالتدخل في إدارة المسلسل
كان الكاتب والسيناريست عمرو محمود ياسين قد دافع عن ياسمين ضد الشائعات والاتهامات الموجّهة إليها في كواليس تصوير المسلسل، حيث كتب عبر حسابه الخاص في موقع "فيسبوك": "حقيقي أنا مش مصدّق اللي بيحصل مع الفنانة ياسمين عبد العزيز، لو تتر اتغيّر من حاجة لحاجة يبقى ياسمين، لو ممثلة أو ممثل بيقول جملة معينة هنا أو هنا يبقى ياسمين، طيب أنا رحت فين؟ لو حد لابس لبس معين يبقى ياسمين!! لو شخصية متسمية اسم بعينه يبقى ياسمين... واقسم بالله إن هذا غير حقيقي! لأن المسلسل له مؤلف ومخرج ومنتج وستايلست وأقسام تخصصية".
وأضاف عمرو: "إحنا مش هواة، إحنا بنشتغل وكل واحد فينا بيحترم دور الآخر وكل واحد مسؤول عن اختصاصاته ودوره في العمل، أكيد بنتشاور وبنفكر مع بعض كلنا للوصول لأفضل قرارات اللي فيها مصلحة المشروع... بس الموضوع كله تصفية حسابات للأسف الشديد، وهي بقت مش عارفة تعمل إيه لما تطلع تردّ الناس تقول لها بتردي ليه؟ ولما تسكت الناس بتصدق الاتهامات!!".
واختتم عمرو محمود ياسين حديثه بالقول: "حقيقي أنا بشفق عليها ولكن اللي بيخليني أهدى إن ياسمين قوية جداً... جداً جداً وبتقابل ده كله بسخرية وضحك وبتردّ تقولي أنا مش شايفاهم بس أنا متعود أواجه والناس اللي بتتابعني عارفين عني ده ولازم الجمهور يعرف الحقائق لأن أنا بعتبر الهجوم على ياسمين هو جزء من الهجوم على مشروعي اللي كلنا بنبذل فيه مجهود كبير جداً جداً... وربنا يصلح حال الجميع... وخالص التقدير والاحترام للجميع".
ويضم مسلسل "وننسى اللي كان" بجانب ياسمين عبد العزيز عدداً من النجوم، بينهم: كريم فهمي، شيرين رضا، إنجي كيوان، خالد سرحان، محمد لطفي، إدوارد، منة فضالي، ومحمود حافظ.